(5)ဂဏန်းသမားများ အကြောင်း တစေ့တစောင်း

ယခုတပါတ်တနင်္ဂနွေသည့် ကျွန်ုပ်တို့၏ တနင်္ဂနွေ စကားဝိုင်း အလှည့်ကျလာသော နေ့ဖြစ်သောကြောင့် ယနေ့တွင် (5)ဂဏန်းသမားများအကြောင်း ဆွေးနွေးကြရန် ကျွန်ုပ်နှင့် ကိုသိန်းဖေ တို့ စကားဆိုခဲ့ကြပြီး ဖြစ်သည့်အတိုင်း ကျွန်ုပ်တို့၏ စကားဝိုင်းကို အစပြုလိုက်ရပေတော့သည်။

ကျွန်ုပ်။ ။ ကဲ- ကိုသိန်းဖေရေ။ ဒီနေ့တော့ (5)ဂဏန်းသမားတွေအကြောင်း ဆွေးနွေးကြမယ်မဟုတ်လားဗျာ။

ကိုသိန်းဖေ။ ။ ဟုတ်ပါ့ဗျား။ (5)ဂဏန်းနဲ့ပတ်သတ်ပြီး ဆရာ့အမြင်၊ အတွေ့အကြုံလေးတွေကို ပြောပြပါဦးဗျာ။

ကျွန်ုပ်။ ။ ကိုသိန်းဖေ ရေ။ (5)ဂဏန်းဟာ သင်္ချာဗေဒပညာမှာ ဗုဒ္ဓဟူးဂြိုဟ်စိုးမိုးတဲ့ဂဏန်းဗျ။ ဗုဒ္ဓဟူးဂြိုဟ်ကို အင်္ဂလိပ်လို Mercury လို့ခေါ်တယ်။ ဂရိ ဒဏ္ဍာရီတွေမှာတော့ “ဟားမီးစ်” လို့ခေါ်တဲ့ ခြေထောက်မှာ အတောင်ပံပါတဲ့ ခြေမြန်တော် နတ်သားဟာ ဗုဒ္ဓဟူးဂြိုဟ်ရဲ့ အမှတ်အသားပေါ့ဗျာ။ နောက်တစ်ခုက ပြဒါးကိုလည်း မာကျူရီလို့ဘဲခေါ်တယ်။ ပြဒါးဆိုတာ အဂ္ဂိရတ်သမား တွေအတွက်တော့ အင်မတန် အရေးကြီးတဲ့ ဒြပ်စင်တစ်မျိုးပေါ့ဗျာ။ ကြားဘူးမှာပေါ့ဗျာ။ ” သံ,သေ၊ တစ်ဆွေဝ၊ ပြဒါးသေ တစ်ပြည်ဝ” တဲ့။

ပြဒါးဆိုတဲ့ ဓာတ်ဟာ သေအောင်လုပ်ဖို့ အင်မတန်ခက်ခဲလွန်းလို့ ပြဒါးကို သေအောင် ထိုးနိုင်ရင် “ရွှေဖြစ်ချင်သလားရွှေ၊ ငွေဖြစ်ချင်သလား ငွေ” ဆိုတာမျိုးလို ဖြစ်နိုင်တယ်လို့ အဂ္ဂိရတ်သမားတွေယုံကြည်ကြတယ်။ ယုံကြည်သလိုလည်း လုပ်နေကြပေမယ့် အောင်မြင်တယ်လို့တော့ မကြားဘူးသေးပါဘူး။ ပေါက္ကံရာမလို့ ခေါ်တဲ့ ပုဂံပြည်ကြီး ကောင်းစားစဉ်က “ရှင်အဇ္ဇဂေါဏ” လို့ခေါ်တဲ့ ရှင်မထီးကြီးဟာ ပြဒါးကို သေအောင်ထိုးနိုင်လို့ ပေါက္ကံပြည်ကြီး ရွှေမိုးငွေမိုး ရွာခဲ့တယ်ဆိုတာလည်း ကြားဖူးမှာပေါ့။

ကိုသိန်းဖေ။ ။ အဲဒီတော့ (5)ဂဏန်းသမားတွေနဲ့ ပြဒါးရဲ့ဂုဏ်သတ္တိတို့ကြားမှာ ဆက်စပ်မှုနိုင်ရဲ့လားဆရာ။

ကျွန်ုပ်။ ။ ရှိတယ်လို့ ဆိုရမယ်ဗျ။ ပြဒါးဟာ အင်မတန်ဆုပ်ကိုင်ဖမ်းယူဖို့ ခက်တယ်။ အလွယ်တကူ ပြန့်ကြဲသွားနိုင်သလို၊ အလွယ်တစ်ကူ ပြန်လည် စုစည်းသွားနိုင်တယ်။ မင်းသားကြီးအားနိုးလ် သရုပ်ဆောင်ခဲ့တဲ့ Terminator (2) လား (3) လားမှာ ပါတဲ့ ပြဒါးလူသားလိုပေါ့ဗျား။ စက်ရုပ်ခြင်းတောင်မှ ခက်ခက်ခဲခဲ ပြန်တိုက်ခိုက်ယူရလောက်အောင် စွမ်းအားသတ္တိကြီးလှတယ်လေ။ ဒါပေမယ့် သူက အပူကို သိပ်ကြောက်တယ်။ ပြဒါးကို မီးသာပြလိုက်။ ရွှတ်ကနဲ ပျောက်ထွက်သွားတာဘဲဗျ။ မီးအပူကို သိပ်ကြောက်တယ်။ ဒီလိုဘဲ (5)ဂဏန်းသမားတွေဟာ လွတ်လပ်မှုကို သိပ်ကြိုက်တယ်။ အချုပ်ချယ်ခံဘဝ၊ သူများလက်အောက်ခံဘဝမှာ နေလိုသူတွေမဟုတ်ဘူး။ မီးအပူကို ကြောက်တဲ့သဘောက ဇွဲသတ္တိဝီရိယ နည်းတဲ့သဘောကို ပြတယ်ဗျ။ (5)ဂဏန်းသမားအတော်များများဟာ ဆင်းရဲပင်ပန်းခံပြီး ရေရှည်လုပ်ရမယ့် အလုပ်မျိုးဆိုရင် မီးနဲ့တွေ့သလို ပြေးတော့တာဘဲဗျို့။ (5)ဂဏန်းသမားတွေဟာ (2)ဂဏန်းသမား တွေလိုဘဲ ဇွဲသတ္တိသိပ်မကောင်းလှဘူးဗျ။ ရှေရှည်စွဲစွဲမြဲမြဲလုပ်ရမယ့် လုပ်ငန်းတွေထက် တစ်ပွဲတိုး ဖြတ်လမ်းနည်းတွေနဲ့ ကြီးပွားလိုချင်တတ်ကြတယ်။ ဝီရိယထက် ဉာဏ်ကို ပိုမိုအားကိုး လိုသူတွေဖြစ်တယ်။ ဉာဏ်ကလည်း အလွန်ကောင်းတတ်ကြတယ်ဗျို့။ (5)ဂဏန်းသမားတွေဟာ တင်္ခနုပ္ပတိလို့ခေါ်တဲ့ ဖြတ်ထိုးဉာဏ်အလွန်ကောင်းတယ်။ အာဝဇ္ဇန်းကောင်းတယ်။ လူမှု ဆက်ဆံရေးအလွန်ပြေပြစ်တယ်။ ဘယ်လိုလူမျိုးနဲ့မဆိုတည့်အောင်ပေါင်းနိုင်တယ်။

ကိုသိန်းဖေ။ ။ဗုဒ္ဓဟူးဂြိုဟ်ဟာ အသိဉာဏ်နဲ့ ဦးနှောက်ကို စိုးမိုးတာကြောင့် ဉာဏ်ကောင်းကြတာများလား။ နောက်တစ်ခုက ကြာသပတေးဂြိုဟ်ကလည်း ဉာဏ်ပညာကို စိုးမိုးတယ်လို့ ကျွန်တော်ကြားဘူးတယ်ဆရာ။

ကျွန်ုပ်။ ။ ဟုတ်တယ်။ (၂)ခုစလုံးကတော့ အသိဉာဏ်ပညာနဲ့ အတွေးအခေါ်ကို စိုးမိုးကြတာမှန်ပေမယ့် စိုးမိုးပုံခြင်း မတူကြဘူး။ ကြာသပတေးဂြိုဟ်က ခက်ခဲနက်နဲတဲ့ ဘာသာရေး၊ ဗေဒင်ပညာ၊ အဘိဓမ္မာ၊ ဖီလော်ဆိုဖီ သဘောတရားတွေကို ပိုမိုအစိုးရပြီး၊ ဗုဒ္ဓဟူးဂြိုဟ်က တင်္ခနုပ္ပတိဉာဏ်နဲ့ လူမှုဆက်ဆံရေးပညာရပ်၊ အနုပညာပညာရပ်၊ သိပ္ပံပညာရပ် နဲ့ စီးပွားရေးပညာတွေဘက်မှာ ပိုမိုအစိုးရတာကို တွေ့ရတယ်။ ကမ္ဘာကျော် သိပ္ပံပညာရှင်ကြီး အယ်လ်ဘတ်အိုင်စတိုင်း ဟာဆိုရင် မတ်လ (14)ရက်နေ့မှာမွေးတဲ့ (5)ဂဏန်းသမားဖြစ်ပြီး မတ်လ(14)ရက်နေ့ဟာ ကြာသပတေးဂြိုဟ်ပိုင်တဲ့ မိန်ရာသီထဲမှာ ကျရောက်နေလို့ သူ့ကျတော့ ဗုဒ္ဓဟူးဂြိုဟ်ရော၊ ကြာသပတေးဂြိုဟ်ပါ စိုးမိုးခံရသူဖြစ်တယ်။ ဒါကြောင့် သူဟာ သိပ္ပံပညာသာမက၊ အဘိဓမ္မာဆန်တဲ့ အတွေးအခေါ်တွေကိုပါ ပိုင်ဆိုင်သူတစ်ဦးဖြစ်သွားပါတယ်။

ကိုသိန်းဖေ။ ။ ဆရာတို့ ဗေဒင်ပညာမှာလည်း ဗုဒ္ဓဟူးဂြိုဟ် နဲ့ ကြာသတေးဂြိုဟ် အားကောင်းမှ ဗေဒင်ပညာကို တတ်မြောက်နိုင်တယ်လို့ ကျွန်တော်ကြားဘူးတာ ဟုတ်လားဆရာ။

ကျွန်ုပ်။ ။ ဒါလည်း ဟုတ်တာဘဲဗျ။ ဗေဒင်ပညာရှင်တစ်ယောက်ဖြစ်ဖို့ ဗုဒ္ဓဟူး နဲ့ ကြာသပတေး အားကောင်းဖို့လိုတယ်။ ဒါက ဂဏန်းဗေဒင်အရတော့ မဟုတ်ဘူး။ နက္ခတ်ပညာအရပါ။ နက္ခတ်ဗေဒင် ဇာတာခွင်တစ်ခုမှာ ဗုဒ္ဓဟူးဂြိုဟ်နဲ့ ကြာသတေးဂြိုဟ်ဟာ အားကောင်းရုံမက သမန္ဓ လို့ခေါ်တဲ့ ဆက်သွယ်မှုလည်း ကောင်းဖို့လိုတယ်။ သင်္ချာဗေဒအရတော့ (2)ဂဏန်းသမား၊ (5)ဂဏန်းသမား၊ (7)ဂဏန်းသမား (8)ဂဏန်းသမား နဲ့ (9)ဂဏန်းသမားတွေဟာ ဗေဒင်ပညာရပ်တွေကို လိုက်စားလို့ရပြီး တတ်မြောက်နိုင်ပါတယ်။

ကိုသိန်းဖေ။ ။(5)ဂဏန်းသမားတွေရဲ့ ထူးခြားချက်တွေကို ပြောပြပါဦးဆရာ။

ကျွန်ုပ်။ ။ (5)ဂဏန်းဟာ လူသားအင်မတန်ဆန်တဲ့ဂဏန်းဖြစ်ပြီး လူ ဆိုတဲ့ သတ္တ၀ါနဲ့ အင်မတန်နီးစပ်တဲ့ဂဏန်းဖြစ်တယ်။ လူ့ကိုယ်ခန္ဓာမှာ ခြေချောင်း၊ လက်ချောင်းတွေဟာ တစ်ဘက်ကို (၅)ချောင်းစီ ပါနေတာရယ်၊ အာရုံခံစားနိုင်တဲ့ အင်္ဂါရပ်ဟာလည်း မျက်စိ၊ နား၊ နှာခေါင်း၊ လျှာ၊ ကိုယ် ဆိုပြီး (၅)မျိုးရှိတာရယ်။ တရားသဘောအရခွဲခြမ်းစိတ်ဖြာလိုက်ရင် လူဆိုတာ “ရုပ်၊ ဝေဒနာ၊ သညာ၊ သင်္ခါရ၊ ဝိဉာဏ်” ဆိုတဲ့ “ခန္ဓာ(၅)ပါး” အစုအဝေးသာဖြစ်တာရယ်၊ သာမန်လူသားတွေ စောင့်ထိန်းအပ်တဲ့ သီလဟာ (၅)ပါးအပြား သာရှိတာရယ်၊ အနန္တောအနန္တ (၅)ငါးပါး ဟာ အကြီးအကဲဂိုဏ်းဝင်တွေဖြစ်တယ်ရယ်ဟာ လူသားဆိုတဲ့ ပညတ်နဲ့ အနီးစပ်ဆုံး သင်္ကေတတွေပါဘဲ။ နောက်တစ်ခုဟာ သင်္ချာဗေဒမှာ (1) ကနေ (9) အထိ ဂဏန်း (၉)ခုရှိတဲ့ အထဲမှာ (5)ဂဏန်းဟာ အလယ်ဗဟိုကျနေတာကို တွေ့ရလိမ့်မယ်။ ရှေ့မှာ ဂဏန်း (၄)လုံးရှိတယ်။ နောက်မှာ ဂဏန်း (၄)လုံးရှိတယ်။ သူက အလည်မှာ တံတားသဘောမျိုး ပေါင်းကူးပေးထားတာ မျိုးဖြစ်နေတယ်။

ကိုသိန်းဖေ။ ။အဲဒါ ဘာကိုဆိုလိုတာလည်းဆရာ။

ကျွန်ုပ်။ ။ အဲဒါက မျှတညီညွတ်အောင် ပေါင်းစပ်ပေးနိုင်ခြင်း၊ ပေါင်းကူးဆက်ဆံပေးနိုင်ခြင်း၊ စေ့စပ်ညှိနှိုင်းပေးနိုင်ခြင်း အဓိပ္ပါယ်တွေကို ဆောင်တယ်။ ဒါကြောင့် (5)ဂဏန်းသမားနဲ့ မတည့်တဲ့ ဂဏန်းမရှိသလောက်ဘဲ။ စိတ်ထဲက ပါသည်ဖြစ်စေ၊ မပါသည်ဖြစ်စေ၊ နှစ်သက်သည်ဖြစ်စေ၊ မနှစ်သက်သည်ဖြစ်စေ အားလုံးနဲ့ သင့်တင်အောင် ပေါင်းနိုင်ကြတယ်။ သူဟာ ဆက်သွယ်ရေးပေါင်းကူးဂြိုဟ်ဖြစ်နေတော့ (5)ဂဏန်းသမားတွေဟာ သတင်း၊ ဆက်သွယ်ရေး၊ လူမှုဆက်ဆံရေး၊ သတင်းဆက်သွယ်ရေး၊ စာနယ်ဇင်း၊ ရေဒီယို၊ သတင်းစာ၊ တီဗွီ၊ ကွန်ပျူတာ၊ အင်တာနက်၊ ကြော်ငြာလုပ်ငန်း၊ ၀ါဒဖြန့်ချိရေးလုပ်ငန်းတွေနဲ့ ဆက်စပ်ပတ်သက်နေသူတွေလည်း ဖြစ်နေတတ်တယ်။ ဂရိနတ်တွေထဲမှာ မာကြူရီနတ်သားဟာ ခြေထောက်မှာ အတောင်ပံပါတဲ့ ခြေမြန်တော်နတ်သားဖြစ်လို့ ဗုဒ္ဓဟူးဂြိုဟ်ဟာ ဆက်သွယ်ရေး၊ သတင်းဖြန့်ချိရေး၊ ကူးလူးဆက်ဆံရေး၊ သံခင်းတမန်ခင်းကိစ္စတွေရဲ့ အမှတ်အသား တစ်ခုဖြစ်နေတယ်လို့ ဆိုရမှာပေါ့ဗျာ။

ကိုသိန်းဖေ။ ။ (5)ဂဏန်းသမားတွေရဲ့ ယေဘူယျ သရုပ်သကန်တွေကို အတိုချုံးပြီးပြောပြပါဦးဆရာ။

ကျွန်ုပ်။ ။ ပြောခဲ့သလိုဘဲ။ ငါးဂဏန်းသမားတွေဟာ ဉာဏ်ကောင်းပြီး၊ ဝီရိယနည်းသူတွေဖြစ်တယ်။ လောကဓံတရားကို ခံနိုင်ရည်ရှိတယ်။ ရေရှည်ဇွဲသတ္တိနည်းတယ်။ လူမှုဆက်ဆံရေး အလွန်ကောင်းတတ်တယ်။ ကိုယ်မနှစ်သက်ရင်တောင် အလွန်အတိုက်အခံပြုခဲတယ်။ ရန်ကို ရှောင်ရှားတတ်တယ်။ နှုတ်သွက်တယ်။ စကားပြောကောင်းတယ်။ အာဝဇ္ဇန်းကောင်းတယ်။ ဖြတ်ထိုးဉာဏ်ကောင်းတယ်။ သူတစ်ပါးအပေါ် လွှမ်းမိုးလိုစိတ်နည်းတယ်။ အမိန့်သြဇာပေးလိုမှု နည်းတယ်။ လူ့အခွင့်အရေးကို လေးစားတယ်။ ဒါကြောင့် (5)ဂဏန်းသမား အာဏာရှင်ဖြစ်တာ မရှိသလောက် ရှားပါတယ်။ (5)ဂဏန်းသမားတွေထဲမှာ ဘုရင်တွေ၊ ဘုရင်မတွေ ရှိပေမယ့် သူတို့ဟာ မျိုးရိုးအစဉ်အဆက်အရဖြစ်ကြသူတွေဖြစ်ပြီး သူတို့လက်ထက်မှာ လည်း ဖိနှိပ်မှုတွေ သိပ်နည်းပါတယ်။

နောက်ပြီး သူတို့ဟာ အသုံးအစွဲကြီးပြီး လက်ဖွာသူများဖြစ်တယ်။ သူများကိုလည်း အလွယ်တကူ စွန့်ကြဲပေးကမ်းတတ်ကြတယ်။ အကောင်းစား ဇိမ်ခံပစ္စည်းတွေကို ခုံမင်နှစ်သက်တတ် တယ်။ သူတို့ဟာ မရှိလည်းပျော်ပျော်၊ ရှိလည်း ပျော်ပျော် နေတတ်သူတွေဖြစ်တယ်။ စည်းကမ်းသေဝတ်မှုနည်းတယ်။ တစ်ချို့ဆိုရင် ဗရမ်းဗတာ နေတတ်ထိုင်တတ်တာမျိုးတွေလည်း တွေ့ရတယ်။ ဉာဏ်ကောင်း၊ ဖြတ်ထိုးဉာဏ်ကောင်းပေမယ့် စီမံခန့်ခွဲမှုမှာတော့ အားနည်းညံ့ဖျင်းတတ်သူတွေဖြစ်တယ်။

(5)ဂဏန်းသမားတွေဟာ လူမှုဆက်ဆံရေးလည်းကောင်း၊ အပေါင်းအသင်းလည်းများ၊ စကားပြောလည်း ကောင်းတတ်သူတွေဖြစ်လို့ အချစ်ရေး၊ အိမ်ထောင်ရေးမှာ ဆန့်ကျင်ဘက်လိင် တွေရဲ့ သဘောကျမှုကို ခံရတတ်သူတွေဖြစ်တယ်။ ဒါကြောင့် အချစ်ရေး၊ အိမ်ထောင်ရေးကိစ္စတွေရှုတ်ထွေးတတ်ကြတယ်။ အိမ်ထောင်မကျခင်မှာ အချစ်ရေးရှုတ်ထွေးပြီး ရည်းစားများ တတ်ကြသူတွေဖြစ်တယ်။

ယေဘူယျပြောရရင်တော့ (5)ဂဏန်းသမားတွေဟာ အိမ်ထောင်ရေးကံကောင်းတတ်ကြတယ်။ အထူးသဖြင့် မိန်းကလေး (5)ဂဏန်းသမားတွေဟာ အိမ်ထောင်ရေးကံကောင်း တတ်တယ်။ သူတို့အိမ်ထောင်ဘက်ဟာ လူအေး၊ လူဖြောင့်၊ တွေဖြစ်တာများတယ်။ အထူးသဖြင့် (23)ရက်ဖွားမိန်းကလေးတွေဟာ အိမ်ထောင်ရေးကံ ကောင်းတတ်ကြတယ်။ ကိုယ့်ထက် အဆင့်မြင့်တဲ့ အိမ်ထောင်ဘက်ကို ရတတ်တယ် (ဒါမှမဟုတ်)ကိုယ်နဲ့ အိမ်ထောင်ကျပြီး ကြီးပွားချမ်းသာလာတတ်တယ်။ ဒါပေမယ့် သူတို့ရဲ့ အိမ်ထောင်ဘက်တွေဟာ အေးစက်စက်နိုင် ကြသူများဖြစ်လို့ ဒီအပေါ်မှာ ကျေနပ်မှု မရနိုင်ကြတာမျိုးတွေလည်း ရှိတတ်တယ်။

(5)ဂဏန်းသမားတွေဟာ စိတ်မှတ်ကြီးသူတွေမဟုတ်ဘဲ ခွင့်လွှတ်လွယ်တယ်သူများဖြစ်တယ်။ ဘယ်လောက် စော်ကားခံရခံရ ခဏလောက်ဘဲ ဒေါသဖြစ်၊ ပေါက်ကွဲတတ်ကြပြီး လွယ်လွယ် နဲ့ ပြီးပျောက်သွားကြသူများဖြစ်တတ်ကြပါတယ်။ သူတို့နဲ့ လိုက်ဖက်တဲ့ ဂဏန်းတွေကတော့ (2)ဂဏန်း၊ (5)ဂဏန်း၊ (7) ဂဏန်း နဲ့ (8)ဂဏန်းတို့ဘဲဖြစ်ပါတယ်။ ဒါပေမယ့် ကျန်တဲ့ ဂဏန်းအားလုံးနဲ့လည်း အဆင်ပြေညီညွတ်အောင် ပေါင်းသင်းနိုင်တဲ့ အရည်အချင်းမျိုးလည်း ရှိပါတယ်။ (5)ဂဏန်းသမားတွေဟာ (2)ဂဏန်းသမားတွေနဲ့ အိမ်ထောင်ကျတာကို အများဆုံး တွေ့ရတတ်တယ်။

ကိုသိန်းဖေ။ ။ (5)ဂဏန်းတစ်ခုခြင်းစီရဲ့ သီးခြားဂုဏ်အင်တွေကိုလည်း ပြောပြပါဦးဆရာ။

ကျွန်ုပ်။ ။ (5)ဂဏန်းသမားတွေထဲမှာ (5) ထီးတည်းသမားတွေဟာ အားလုံးနဲ့ ပိုမိုအဆင်ပြေပြီး၊ လွတ်လပ်မှုကို ပိုမိုမြတ်နိုးတယ်။ လူ့အခွင့်အရေးကို လေးစားတယ်။ ရက်ရောသဘောကောင်းမှုများတယ်။ စွန့်ကြဲပေးကမ်း လွယ်တယ်။ ပျော်ပျော်နေသေခဲဝါဒကို ကျင့်သုံးတတ်သူများဖြစ်တယ်။ အထက်တန်းကျကျ နေလိုတတ်ကြတယ်။ အပျော်ကြူးတတ်မှုတွေ ရှိနိုင်တာကိုတော့ သတိပြုသင့်တယ်။

(14)ဂဏန်းသမားတွေကျတော့ ထက်မြက်မှုရှိပြီး၊ အုပ်ချုပ်သူသြဇာအာဏာရှိသူများနဲ့ ရင်းနှီးကျွမ်းဝင်လွယ်တတ်ကြသူများဖြစ်တယ်။ သူတို့ရဲ့ အကူအညီနဲ့မိမိဘဝတက်လမ်းကို ရှာကြံ နိုင်တတ်ကြတယ်။ တနင်္ဂနွေ(1)ဂဏန်း နဲ့ ယူရေးနပ်စ်ဂြိုဟ် (4)ဂဏန်းပေါင်းစပ်ထားတာကြောင့် ကျန်တဲ့ (5)ဂဏန်းတွေထက် ပိုမိုထက်မြက်ပြီး သြဇာ နဲနဲ ပေးချင်တဲ့ သူတွေဖြစ်တယ်။ ယူရေးနပ်စ်ဂြိုဟ်ပါနေတဲ့အတွက် သူတို့ဟာ လောကဓံတွေကို မကြာခဏကြုံရတတ်တယ်။ ရန်အတိုက်အခံပိုများတယ်။ ဒါပေမယ့် သူတို့ဟာ လူကောင်းလူဖြောင့်တွေဖြစ်ပြီး အပေါင်း အသင်းများအပေါ်မှာ အနစ်နာခံပြီးပေါင်းတတ်ကြတယ်။ ခင်မင်မိပြီဆိုရင် အစွမ်းကုန် ကူညီတတ်ကြလေ့ရှိသူများဖြစ်တယ်။ သူတို့ဟာ နောက်က Current of Destiny ခေါ်တဲ့ မွေးတဲ့ ခုနှစ်ဂဏန်း မကောင်းရင် ဥပစ္ဆေဒကံ ရှိသူများဖြစ်တယ်။

(23)ဂဏန်းသမားတွေကျတော့ ဂဏန်းအားလုံးထဲမှာ ဘုရင်ဆိုလောက်တဲ့ဂဏန်းဖြစ်တယ်။ (23)ရက်ဖွားဟူသမျှကောင်းစားကြတာများတယ်။ မိန်းကလေးဆိုရင် ပိုကောင်းစား တတ်တယ်။ လင်ကောင်းသားကောင်းရတတ်တယ်။ (23)ရက်ဖွားယောင်္ကျားများကြပြန်တော့ ကံကြမ္မာရဲ့ မျက်နှာသာပေးမှုကို ရတတ်ပြီး ဘ၀တက်လမ်း အလွန်မြန်တတ်ကြတယ်။ ဒါပေမယ့် (23)ဂဏန်းဟာ တနင်္လာဂြိုဟ် နဲ့ ကြာသပတေးဂြိုဟ်ကြီးတို့ ပေါင်းစပ်ထားတဲ့ “စန္ဒြဂုရု” ယုဂ်ရတဲ့ ဂဏန်းဖြစ်လို့ ကိုယ်ကျင့်တရားကောင်းဖို့လိုတယ်။ (23)သမားတွေဟာ ကံကောင်းနေရာက ကိုယ်ကျင့်တရားပျက်ခြင်း၊ သူတစ်ပါးကို အနိုင်ထက်ပြုနှိပ်စက်ခြင်း၊ ကာမဂုဏ်ဖောက်ပြန်ခြင်း စတဲ့ ဒုစရိုက်တွေကို ကျူးလွန်မိရင် ကံတရားက ချက်ခြင်းအပြစ်ပေး ခံရတတ်ပြီး အောက်ဆုံးကို ပြုတ်ကျသွားတတ်တာကို သတိထားပါ။ (23)ဂဏန်းဟာ (5) , (14)ဂဏန်းတွေနဲ့ယှဉ်ရင် အတ္တစိတ်၊ တစ်ကိုယ်ကောင်းစိတ် ပိုများတတ်တယ်။ ကပ်စေးပို နဲတတ်တယ်။ ရက်ရောမိရင်လည်း သူမတူအောင် ရက်ရောတတ်သလို၊ ကပ်စေးနှဲမိရင်လည်း သူမတူအောင်ဖြစ်တတ်တယ်။

ကိုသိန်းဖေရေ – နောက်ဆုံးခြုံပြောရရင် (5)ဂဏန်းသမားတွေဟာ ပြဒါးကို သေအောင်သတ်ဖို့ မလွယ်သလို၊ သူတို့ကို ပြုပြင်ပြောင်းလဲဖို့လွယ်သူတွေ မဟုတ်ဘူးဗျ။ (5)ဂဏန်းသမား လူဆိုးဖြစ်မိရင် ဆုံးမပဲ့ပြင်ဖို့ကြိုးစားမနေနဲ့။ သူ့ဟာသူပြန်ကောင်းရင်ကောင်းလိမ့်မယ်။ သူများဆုံးမလို့တော့ နောင်တရမယ် မထင်နဲ့။ (5)ဂဏန်းသမားတွေဟာ ဘုန်းကြီးတစ္ဆေတွေဗျ။ သူ့ကို တရားသွားမဟောနဲ့ သူကပြန်ဟောပြလိမ့်မယ်။ သူတို့ဟာ လောကကြီးအကြောင်းကို နောကြေအောင်သိကြသူတွေဖြစ်တွေလို့ သူတို့ကို ဆရာလုပ်လို့ မလွယ်လှပါဘူး။

ကိုသိန်းဖေ။ ။ သိချင်တာတွေ အတော်ပြည့်စုံသွားပါပြီဆရာ။ ထင်ပေါ်ကျော်ကြားတဲ့ (5)ဂဏန်းသမားတွေကိုလည်း ပြောပြပါဦးဆရာ။

ကွန်ုပ်။ ။ အိန္ဒိယလွတ်လပ်ရေးဖခင်ကြီးနဲ့ ပထမဆုံးဝန်ကြီးချုပ် ဂျဝါဟလာနေရူး က (23)ရက်ဖွား၊ နပိုလီယံအလွန်ချစ်မြတ်နိုးတဲ့ မိဘုရားကြီး ဂျိုဆက်ဖင်က (23)ရက်ဖွား၊ လေရူးသုန်သုန် ဇာတ်ကားနဲ့ နာမည်ကြီးခဲ့တဲ့ ဟောလီးဝုဒ်မင်းသမီးချော ဗီဗီယံလေးက (5)ရက်ဖွား၊ မင်းသားကြီး ဂရေဂိုရီပတ်က (5)ရက်ဖွား၊ ဂျော့ဘုရင် နံပါတ်(6)က (14)ရက်ဖွား၊ ချက်နိုင်ငံရဲ့ ပထမဆုံးသမ္မတ စာပေနဲ့ကဗျာပညာရှင် ဗားကလက်ဟေဗယ်က (5)ရက်ဖွား၊ ဂျော်ဒန်ဘုရင်ဟူစိန်က (14)ရက်ဖွား၊ ဂျိမ်းစ်ဘွန်းမင်းသား ရော်ဂျာမိုးက (14)ရက်ဖွား၊ အမေရိကန်နိုင်ငံခြားရေးဝန်ကြီးတွေဖြစ်ခဲ့တဲ့ ကောလင်းပါဝယ်က (5)ရက်ဖွား၊ ကွန်ဒိုလီဇာရိုက်စ် က (14)ရက်ဖွား၊ ဘောလုံးသမား ဟာနန်ခရက်စ်ပိုက (5)ရက်ဖွား၊ အင်္ဂလိပ်လူမျိုး နက္ခတ်သင်္ချာစွယ်စုံပညာရှင် ရာဖေးလ် က (5)ရက်ဖွား၊ Dell ကွန်ပျူတာကုမ္ပဏီကို တည်ထောင်ခဲ့တဲ့ မိုက်ကယ်ဒဲလ် က (23)ရက်ဖွား၊ ဘီလျံနာ ဒေါ်နယ်ထရမ့်က (14)ရက်ဖွား၊ အာဏာရှင်တော်လှန်ရေးခေါင်းဆောင် ချီဂွေဗားရား က (14)ရက်ဖွား၊ ကွပ်မျက်ခံရတဲ့ ပါကစ္စတန် ဝန်ကြီးချုပ်ဟောင်း အလီဘူတို (ဘင်နာဇီယာဘူတို၏ဖခင်) က (5)ရက်ဖွား၊ ကာတွန်းပညာရှင်ကြီး ဝေါ့လ်ဒစ်နေး က (5)ရက်ဖွား၊ ကွန်မျူနစ်ဝါဒရဲ့ ဖခင်ကြီး ကားလ်မတ်ခ် က (5)ရက်ဖွား၊ ဗြိတိသျှ အိမ်ရှေ့စံ ချားလ်မင်းသားက (14)ရက်ဖွားများ ဖြစ်ကြပါတယ်။

အင်္ဂလိပ်လ ဘယ်လမဆို (၅)ရက် ၊(၁၄)ရက် ၊ (၂၃)ရက် ၊ တစ်ရက်ရက်မှာ မွေး ရင် ဂဏန်းဗေဒင် ပညာအရ (၅)ဂဏန်းသမားလို့ ခေါ်ရမှာပဲ။ (၅)ဂဏန်း သမားရဲ့ မျက်နှာ သွင်ပြင်ကတော့ အစဉ်သဖြင့် ပြုံးရွှင် နေတတ်ပါတယ်။ စိတ်နေ စိတ်ထားကိုပြောရရင် အလွန် လှုပ်ရှားလွယ်တယ်။ ဘ၀ကို လျှောက်လှမ်းတဲ့ အခါ လောင်းကစားဆန်ဆန် လျှေက်လှမ်းတတ်ပါတယ်။ လောင်းကစားသမား လို့ ပြောတာ မဟုတ်ဘူးနော်။ စွန့်စားတာကို ပြောတာ။ အဆုံးအဖြတ် မြန်တယ်။ ဆင်းဆင်းရဲရဲ မနေရတတ်ဘူး။ လက်ဖျားမှာ ငွေသီးနေတဲ့ လူတွေဟာ များ သောအားဖြင့် (၅)ဂဏန်းသမားတွေ ဖြစ်တတ်ပါတယ်။ ဒါပေမယ့် ငွေလည်း မမြဲဘူး။

(၅)ဂဏန်း သမားတွေ ဖြစ်တတ်တဲ့ ရော၈ါကတော့ အကြောတက်တဲ့ ရောဂါနဲ့ အာရုံကြောနဲ့ ဆိုင်တဲ့ ရောဂါတွေ ပဲ ဖြစ်တတ်တယ်။ ဂဏန်းဗေဒင် စာအုပ်မှာတော့ ဓာတ်စာတွေ အများကြီး ပြထားပါတယ်။ (၅)ဂဏန်းသမား အတွက် တကယ်စွမ်းတဲ့ ဓာတ်စာကတော့ မုန်လာဥပဲ။ မုန်လာဥကို များများ စားပေးပါ။ (၅)ဂဏန်းသမားနဲ့ အလွန်တည့်ပါတယ်။

 သင့်မြတ်တဲ့ အရောင်ကတော့ အဖြူရောင်နဲ့ ထုံးကျောက်ရောင် လိုဟာမျိုးတွေ ဖြစ်ပါတယ်။ သင့်မြတ်တဲ့ ရတနာကတော့ စိန်နဲ့ ပလက်တီနမ် ဖြစ်တယ်။

(၅)ဂဏန်းသမားတွေ အတွက် အရေးကြီးတဲ့ ကိစ္စတွေ လုပ်စရာ ရှိရင် ဘယ်လဆို (5,14,23, 1,10, 19,28, 7,16, 25) ရက်တွေမှာ လုပ်သင့်ပါတယ်။ အကျိုးပေးပါတယ်။

ကရကဋ်ရာသီ (Cancer)ဖွားများ၏ ဘ၀သက်တာဟောကိန်း
(ရေးသူ - ဆရာ သက်နှင်းဆွေ-ပုပ္ပါး)

ဤရာသီခွင်သည် (၁၂)ရာသီစက်ဝန်း၏ (စတုတ္ထမြောက်) ရာသီခွင်ဖြစ်၏။ ဤရာသီခွင်နှင့် သက်ဆိုင်သော ကောင်းကင်မှ ကြယ်ပွင့်များ၏ ပုံဖော်ရာတွင် လက်မနှစ်ချောင်းထောင်ထားသော ဂဏာန်းတစ်ကောင်၏ပုံ သင်္ကေတကို ရရှိလေသည်။ တနင်္လာဂြိုလ် မှ စိုးမိုးပိုင်ဆိုင်၏။ အာပေါဓါတ် (ရေဓါတ်) သဘာဝရှိ၏။ ဓါတ်မ သဘောကို ဆောင်ထား၏။ ခန္ဓာကိုယ်တွင် ရင်ဘတ်ပိုင်းနှင့် ပတ်သက်၏။ (၂)ဂဏန်းနှင့် (၇)ဂဏန်းတို့ စိုးမိုး၏။ မည်သည့်နေ့ သားသမီးမဆို နှစ်စဉ် ဇွန်လ(၂၂)ရက်မှ ဇူလိုင်လ(၂၂)အတွင်း မွေးဖွားသူများသည် ကရကဋ်ရာသီဖွားများ ဖြစ်ကြသည်။ ထိုသို့ ရက်အတိအကျမသိဘဲ မြန်မာလ ၀ါဆိုလအတွင်း ဖွားမြင်သူများသည်လည်း ကရကဋ်ရာသီဖွားများအဖြစ် တစ်ထစ်ချမှတ်ယူကာ အောက်ပါဖြစ်စဉ်တို့ကို လေ့လာမှတ်သား၍ ရှောင်ခြင်း၊ ဆောင်ခြင်းတို့ဖြင့် ဆင်ခြင်သုံးစွဲသွားနိုင်တော့၏။

ကရကဋ်ရာသီဖွားများ၏ ပင်ကိုယ်သဘာဝနှင့် အကျင့်စရိုက်လက္ခဏာများ

ကရကဋ်ရာသီဖွားများသည် သြဇာအာဏာရှိသူများ ဖြစ်၏။ မိသားစုနှင့် ပတ်ဝန်းကျင်ကို လွှမ်းမိုးထားနိုင်ကြ၏။ အရည်အချင်း ပြည့်ဝ၏။ စူးစမ်းဆင်ခြင်ဉာဏ် ပြင်းထန်၏။ အသက်ကြီးပိုင်းတွင် ဘာသာတရားကို လွန်စွာ ကိုင်းရှိုင်းသွားတတ်ကြ၏။ ဉာဏ်အလွန်ထက်၏။ တစ်ခါတရံ၌ ဖြစ်လာမည့်ကိစ္စတို့ကို ကြိုသိနေတတ်သော ဉာဏ်စွမ်း ပါရမီထူးရှိ၏။ ကိုယ့်ကိုကိုယ် အားကိုး၏။ မိရိုးဖလာ အစဉ်အဆက် လုပ်ခဲ့သော အလုပ်များကို ဆန့်ကျင်တတ်၏။ အသံသြဇာကောင်းပြီး အပြောအဆိုကောင်း၏။ အစစ ဦးဆောင်ဖြစ်၏။ အမျိုးဘာသာအကျိုး၊ အများကောင်းကျိုး လိုလား၏။ ဆောင်ရွက်တတ်၏။ သို့သော် ခေါင်းမာ၏။ အာဃာတကြီး၏။ နာကျည်းမုန်းတီးမိက ကလဲ့စားချေရမှ ကြိုက်၏။ စိတ်ဓါတ် အားကောင်းသော်လည်း လူအားပျော့၏။ စိတ်တန်ခိုးစွမ်းအား ကြီးမားသော်လည်း ကိုယ့်အစွမ်းအစ ကိုယ်မသိ။ စိတ်ဓါတ်ကျလွယ်၏။ ဘ၀တွင် အပြောင်းအလဲများစွာ ကြုံခဲ့၏။ ဘ၀တစ်လျှောက်လုံး အငြိမ်မနေ လှုပ်ရှားသွားလာနေရတတ်၏။ စိတ်ထား နူးညံ့သိမ်မွေ့၏။ ပင်ကိုယ်စိတ်ဓါတ် အေးဆေး တည်ငြိမ်သလောက် မကြာခဏ တွေဝေ မိုက်မဲစွာ ပြုလုပ်တတ်၏။ အေးဆေးတည်ငြိမ်စွာ နေထိုင်လိုသလောက် စိတ်မတည်ငြိမ်ဘဲ လှုပ်ရှားပြောင်းလဲနေတတ်၏။ ဆုံးဖြတ်ချက် နောက်ကျတတ်၍ အခွင့်အရေးများစွာ ဆုံးရှုံးသွားတတ်ခြင်း မကြာခဏ ကြုံတတ်၏။ အလွန်အာရုံများ၏။ စပ်စု၏။ အထိမခံ ရွှေပန်ကန်များ ဖြစ်၏။ ဂီတအနုပညာကို မြတ်နိုး၏။ သွက်လက် ထက်မြက်၏။ စကားများ၏။ အပျော်အပါး ကြိုက်၏။ အုပ်စုဖွဲ့ နေရခြင်းကို ကြိုက်၏။ မိသားစု အသိုင်းအ၀ိုင်းကို အလွန်ခင်တွယ် တတ်ကြ၏။ ပတ်ဝန်းကျင်နှင့် လိုက်လျောညီထွေ နေတတ်၏။ တရားမျှတမှုကို ကြိုက်နှစ်သက်သော်လည်း အောင်မြင်ကြီးပွားလိုသောဆန္ဒနှင့် ကြိုတင်ပူပန်စိုးရိမ်မှု သောကစိတ်တို့ ပြင်းထန်၏။ တစ်ခါတရံ တစ်ဖက်သတ်ဆန်ဆန် ပြုမူမိတတ်ကြ၏။ အပေါ်ယံအားဖြင့် ဖြစ်သလိုနေတတ် ပြောတတ်သော်လည်း တိုးတက်ကြီးပွားမှုကို ပြင်းပြင်းထန်ထန် အလိုရှိ၏။ အလွန်ကြိုးစား၏။ ဘ၀အစတွင် ခက်ခဲကြမ်းတမ်း၏။ သက်လတ်ပိုင်းတွင် ကြီးပွားတတ်၏။ လူများအပေါ် သြဇာပေးနိုင်တတ်၏။ အလုပ်ကိုတစ်ခုမပြီးမီ နောက်တစ်ခု စမိသဖြင့် အောင်မြင်မှု ထိခိုက်တတ်၏။ ဘ၀မျိုးစုံ ကျင်လည်ရ၏။ ဖြစ်ကတတ်ဆန်း နေထိုင်ရခြင်းမျိုးကိုလည်း ကြုံရ တတ်၏။ ထိုက်တန်သော စည်းစိမ်ဥစ္စာတို့ ပြည့်စုံလာသောအခါ လူယုံများကြောင့်လည်းကောင်း၊ အတွင်းပစ္စည်းများ လူမသိဘဲ လှိုက်စား ကုန်သွားတတ်၏။ လူမသိသူမသိဘဲ ကြိတ်ခံရတတ်၏။ ဆုံးဖြတ်ချက်တစ်ချက်မှားသဖြင့် အဖတ်ဆယ်မရအောင် နစ်နာခြင်းမျိုး ကြုံရတတ်၏။ ထို့အပြင် ကရကဋ်ရာသီဖွားများသည် တစ်ချို့ကိစ္စများတွင် စည်းကမ်းတကျ ကပ်စေးနှဲသလို ဖြစ်နေတတ်သည်။ တစ်ခါတရံ အဖိုးတန်ပစ္စည်းများကိုပင် ပေးကမ်းစွန့်ကြဲပစ်တတ်ကြ၏။ လူသေသော်လည်း နာမည်မသေစေရဟု နှလုံးပိုက်သူများဖြစ်၏။ မှန်သည်ထင်က တုံးတိုက်တိုက် ကျားကိုက်ကိုက်ဆိုသလို လုပ်တတ်၏။ ကိုယ်သံယောဇဉ်ကြီးသူများအတွက် အလွန် အနစ်နာခံတတ်၏။ သနားတတ်၏။ သစ္စာရှိ၏။ မဟုတ်မခံချင်စိတ်၊ သတ္တိဗျတ္တိနှင့် ပြည့်စုံ၏။ အထူးသဖြင့် ကရကဋ်ရာသီဖွားတို့သည် ဘိုးတော်မယ်တော် ပုဂ္ဂိုလ်ပိုင်းမှ အစောင့်အရှောက် ကြီးမားစွာရှိတတ်၏။ အိပ်မက်ထူးများ ရှိတတ်၏။ ဘာသာရေးကို စိုက်လိုက်မတ်တတ် ကျင့်လှမ်းသွားခြင်းဖြင့် လောကီအကျိုးစီးပွားပါ ပြည့်စုံလာတတ်လေ၏။

ကရကဋ်ရာသီဖွားတို့၏ အချစ်ရေး၊ အိမ်ထောင်ရေးနှင့် ဘ၀တည်ဆောက်မှုများ

ကရကဋ်ရာသီဖွားများသည် အချစ်ကြီးသူများဖြစ်၏။ သို့သော် ချစ်ကံခေသူများ ဖြစ်တတ်ကြ၏။ မေတ္တာရေးတွင် အပေးသမား များဖြစ်၏။ အလွန်ချစ်တတ်သော နှလုံးသားပိုင်ရှင်များ ဖြစ်၏။ စိတ်ကူးယဉ်ဆန်၏။ သိမ်မွေ့စွာ ချစ်တတ်၏။ သို့သော် ကိုယ်ကိုယ်တိုင်ကလည်း တွေဝေစွာ စိတ်ဒွိဟဖြစ်တတ်ကြ၏။ ကိုယ်က နှလုံးသားထက် ဦးနှောက်ကို ဦးစားပေးကာ ပြည့်စုံသောဘ၀ ထူထောင် နိုင်ဖို့ ကြိုးစားလိုတတ်ကြ၏။ တွက်ချက်သုံးသပ်ပြီးမှ ကြိုးစားလို၏။ ပြည့်စုံသောဘ၀ကို ထူထောင်လို၏။ အကယ်၍ စွန့်စားရမည် ဆိုလျှင်လည်း အရာရာကို စွန့်လွှတ်၍ ချစ်သူနှင့် လက်တွဲရန် ၀န်မလေးတတ်ကြပါ။ ထိုသို့ချစ်စိတ်ပြင်းထန်၏။ သို့သော် အချစ်ရေးတွင် ကြေကွဲဝမ်းနည်းစရာ ကြုံတတ်၏။ မိမိချစ်သူက မိဘစကား နားထောင်တာဖြစ်စေ၊ မိမိထက်သာသည်ကို ရွေးချယ်သည် ဖြစ်စေ စွန့်ခွာသွားတတ်၏။ အချစ်ရဆုံးသူကို လက်လွတ်ရတတ်၏။ အလွန် လွမ်းစရာကောင်းသော နှလုံးသား ဇာတ်လမ်းဟောင်းများ ရှိခဲ့တတ်၏။ သို့သော် တကယ်အိမ်ထောင်ပြုပြီးသောအခါ ထိုကိစ္စအားလုံးကို အပြီးမေ့နိုင်စွမ်းကြ၏။ အိမ်ထောင်ရေး ကံကောင်းတတ်ကြ၏။ ကိုယ့်အပေါ် နားလည်ပေးသော အိမ်ထောင်ဖက်ကို ရရှိတတ်၏။ ကိုယ်ကလည်း အိမ်ထောင်ဖက်အပေါ် အထူးခင်တွယ် တတ်၏။ ညှာတာတတ်၏။ လိုက်လျောတတ်၏။ အခြားသူတို့ထက် ပို၍ မိသားစုအပေါ် ခင်တွယ်တတ်ကြ၏။ ကရကဋ်ရာသီဖွားတို့ သည် ကိုယ်ကိုယ်တိုင်ကလည်း ပြေပြစ်သော ခန္ဓာကိုယ်ဖွဲ့စည်းမှု ရှိတတ်ပြီး အိမ်ထောင်ပြုသောအခါတွင်လည်း ပြည့်ဖြိုးပြေပြစ်သော အိမ်ထောင်ဖက်ကို ရရှိတတ်သည်။ အထူးသတိပေးလိုသည်မှာ ကရကဋ်ရာသီဖွားတို့သည် သာယာအေးချမ်းသော အိမ်ထောင်ရေးကို ထူထောင်ပြီးမှ စိတ်လှုပ်ရှားစရာ ကောင်းသော ဒုတိယလူ ပေါ်လာတတ်၏။ အိမ်ထောင်ရေး သစ္စာရှိဖို့ အထူးလိုအပ်လှတော၏။ ကရကဋ်ရာသီဖွားတို့သည် တော်သလင်းလဖွား၊ တပေါင်းလဖွား၊ ပြာသိုလဖွားတို့နှင့် အိမ်ထောင်ဖက် ရွေးချယ်လက်တွဲသင့်၏။

ကရကဋ်ရာသီဖွားတို့၏ အလုပ်အကိုင်နှင့် စီးပွားရေးအနေအထားများ

ကရကဋ်ရာသီဖွားတို့သည် အရာရာကို စူးစမ်းပြီးမှ လုပ်ကိုင်တတ်ကြ၏။ အစဉ်အလာ လမ်းရိုးအတိုင်း လုပ်ကိုင်ရခြင်းကို မနှစ်သက်တတ်ကြ။ ထို့အပြင် အလုပ်အကိုင်ကိုလည်း တစ်ခုမပြီးခင် နောက်တစ်ခု ပြောင်းလုပ်ချင်၏။ အတတ်ပညာများကိုလည်း တစ်ပိုင်းတစ်စနှင့် ဖြတ်ထားခြင်းတွေ များတတ်၏။ တစ်ခုတည်း ဇောက်ချ လုပ်ကိုင်တတ်သင့်လှ၏။ ကရကဋ်ရာသီဖွားတို့သည် စပ်တူလုပ်ကိုင်ခြင်းကို အထူးရှောင်ကြဉ်သင့်လှပေ၏။ ကိုယ်ပိုင်လုပ်ငန်း ကိုယ့်စိတ်ကူးနှင့်ကိုယ် လုပ်ကိုင်ရသောလုပ်ငန်းများကို ရွေးချယ်လုပ်ကိုင်သင့်၏။ အထူးသဖြင့် တစ်နေရာမှတစ်နေရာသို့ သွားလာလှုပ်ရှားကာ အာရုံသစ်များကို လေ့လာကာလုပ်ကိုင်ရသော ကိုယ်ပိုင်လွပ်လပ်စွာ တွေးခေါ်ဆောင်ရွက်နိုင်သည့် အလုပ်ကို လုပ်ကိုင်သင့်၏။ ကရကဋ်ရာသီဖွားတို့သည် ဘာပဲလုပ်လုပ် တခမ်း တနား လုပ်ချင်တတ်ကြ၏။ စာအုပ်စာတမ်း၊ အကြံဉာဏ်ကောင်းများ ရှာဖွေလိုက်နာတတ်၏။ ငွေရှိလာသောအခါ လှူရက်ရော၏။ ၀ါသနာပါ၍ ယုံကြည်ရာကိုသာ လုပ်ကိုင်တတ်ကြ၏။ အပင်ပန်းခံ နိုင်တတ်ကြ၏။ သို့သော် ကိုယ်လုပ်သော အလုပ်တွင် စိတ်ကူးယဉ်မှု များပါနေ၍ ထင်သလောက်မပေါက်ဘဲ ဖြစ်နေတတ်သည်ကို သတိပြုရန်လိုသည်။ မည်သည့်အလုပ်မဆို အကျိုးကိုမကြည့်ဘဲ ယုံကြည်ချက်ဖြင့် လုပ်ကိုင်တတ်ကြ၏။ အလုပ်နှစ်မျိုး တွဲလုပ်ရတတ်၏။ သူတစ်ပါးအတွက် ကြားဝင်ခံခြင်းမျိုးပါ ကြုံရတတ်၏။ ပင်ကိုယ်ဗီဇတွင် အလွန်ထက်မြက်သော ဉာဏ်ရည်ရှိပြီး စိတ်ကူးကောင်း၏။ အလွန်ပိုင်နိုင်စွာ လုပ်ကိုင်နိုင်စွမ်း၏။ အချိန်တိုတိုအတွင်း အစစ လေ့လာသုံးသပ်ပြီး ပိုင်နိုင်စွာ ဦးဆောင်လုပ်ကိုင်နိုင်စွမ်း၏။ သို့သော် သူတစ်ပါးတွေနှင့် ဘေးတိုက်ကန့်လန့် မလုပ်မိဖို့တော့လို၏။ ပင်ကိုယ်ပါရမီထူးသူဖြစ်၍ ဘေးလူတွေက အံ့သြလောက်အောင် ရိုးရှင်းထိမိစွာ လုပ်ကိုင်ပြနိုင်စွမ်း ရှိ၏။ တစ်ခုတည်းကိုသာ ပိုင်နိုင်စွာ ရွေးချယ်ပြီး ဇွဲရှိရှိလုပ်ကိုင်သွားပါက ထိပ်ဆုံးကို ရောက်သွားတတ်၏။ ကိုယ်ပိုင်လုပ်ငန်းဖြင့် ငွေကြေးဥစ္စာများစွာ ပိုင်ဆိုင်တတ်လေ၏။

ကရကဋ်ရာသီဖွားတို့သည် စာရေးဆရာအလုပ်ဖြင့် အလွန် ကောင်းကျိုးပေးတတ်၏။ စာအုပ်ထုတ်ဝေရေး၊ စစ်ဘက်၊ ငါးမွေးမြူရေး၊ စားသောက်ဆိုင်၊ သတင်းထောက်၊ ဂျာနယ်လစ်အလုပ်တို့ အထူး ကောင်းကျိုးပေးတတ်၏။ မည်သည့်အလုပ်ကို ရွေးချယ် သည်ဖြစ်စေ ဘာသာရေး ဦးထိပ်ပန်ဆင်ပေးပါလေ။ မုချဖြစ်ထွန်း ပါလိမ့်မည်။

ကရကဋ်ရာသီဖွားများ၏ ကျန်းမာရေး အနေအထားများ

ကရကဋ်ရာသီဖွားများသည် စိတ်ဓါတ်ပြင်းထန်စွာ ပြုမူလုပ်ကိုင်နေထိုင်ခြင်းကြောင့် အားအင်ကုန်ခန်းသလိုမျိုး မလှုပ်ရှားချင်၊ နုံးခွေနေသော ရောဂါမဟုတ်သည့် ရောဂါကို ခံစားရတတ်၏။ အမှန်အားဖြင့် ကရကဋ်ရာသီဖွားတို့သည် ပင်ကိုယ်ကျန်းမာရေး ဓါတ်ခံအား၊ သက်လုံကောင်းသူများဖြစ်၏။ ကျန်းမာရေးနှင့်ဆိုင်သော ဗဟုသုတလည်း ရှိ၏။ သူတစ်ပါးအား အကြံဉာဏ်ပေးခြင်း၊ ဆေးဝါးဓါတ်စာ ညွှန်ကြားခြင်းဖြင့် ကူညီတတ်၏။ ကိုယ်တိုင်ကမူ နေချင်သလိုနေ၏။ စားချင်သလိုစား၏။ ပေပေတေတေနေ၏။ သူတစ်ပါးစကား နားမထောင် ကိုယ်သိသလိုလည်း မလိုက်နာ။ ထို့ ကြောင့် ကျန်းမာရေး ထိခိုက်တတ်၏။ အရေပြား ယားယံတတ်၏။ သက်လတ်ပိုင်းတွင် ဆီးချို၊ သွေးတိုး ရောဂါတို့ ရတတ်၏။ ဆေးကုရန်၊ ဆရာဝန်ပြရန် အလွန်ဝန်လေးတတ်ကြ၏။ မကြာခဏ ကိုယ်လက်ထုံကျင် ကိုက်ခဲတတ်ကြ၏။ အနာစိမ်း ပေါက်တတ်ကြ၏။ အထူးမှာ ကင်ဆာနှင့် သွေးတိုးသတိပြုသင့်၏။

ကရကဋ်ရာသီဖွားတို့သည် လုံခြုံအေးချမ်းရာနေရာတို့၌ မကြာခဏ အနားယူသင့်၏။ ရေချိုးမှား ရင်ဘတ်အအေးပတ်ခြင်း မဖြစ်အောင် ဆင်ခြင်သင့်လှ၏။ ကျန်းမာရေး ညံ့သောအခါမျိုးတွင် ကျောက်စိမ်း ဆောင်ထားသင့်၏။

ကရကဋ်ရာသီဖွားများ၏ဘ၀တွင် တွေ့ကြုံရတတ်သော ဘေးဥပဒ် အန္တရာယ်များ

ကရကဋ်ရာသီဖွားတို့သည် သဘာဝဘေးအန္တရာယ်အားဖြင့် ရေဘေးအန္တရာယ်မျိုး ရင်ဆိုင်တတ်ရ၏။ ရေသောက်သောအခါမှာပင် အခန့်မသင့်ဘဲ ရေသီးခြင်း ဖြစ်တတ်၏။ ရေနစ်တတ်၏။ ရေလမ်းခရီး သတိပြု ဆင်ခြင်သင့်၏။ ကရကဋ်ရာသီဖွား အများစုသည် ရေနှင့်ပတ်သက်၍ အထူးသတိထားသင့်၏။ နေအိမ်တွင် ရေကူးကန်ထားခြင်းကိုပင် ဆင်ခြင်သင့်လှ၏။

ကရကဋ်ရာသီဖွားတို့၏ ဘ၀ကံကြမ္မာ အနိမ့်အမြင့် အတက်အကျများ

ကရကဋ်ရာသီဖွားတို့သည် ဘ၀တွင် အတက်အကျ အပြောင်းအလဲ အလွန်မြန်၏။ တစ်ခါတရံ တည်ငြိမ်အေးချမ်းစွာ တည်ရှိနေသလောက် တစ်ခါတရံတွင် အရှိန်အဟုန်ပြင်းစွာ လျှောက်လှမ်းနေရတတ်၏။ တစ်ခါတစ်ရံ မေတ္တာတရားဖြင့် အေးချမ်းစွာ ရှိနေသလောက် တစ်ခါတစ်ရံတွင် စစ်မြေပြင်မှ သူရဲကောင်းတစ်ဦးပမာ ရင်ဆိုင်ဖြေရှင်းနေရတတ်၏။ ဘ၀အစပိုင်းတွင် အဖိအနှိပ်များ ခံခဲ့ရတတ်၏။ နှလုံးသားရေးတွင်လည်း အချစ်ဦး၊ ရည်းစားဦးတို့၏ ချိုးနှိမ်စွန့်ပစ်မှုတို့ဖြင့် နာကျင်ခဲ့ရတတ်၏။ ဘ၀ကို တိုက်ပွဲတစ်ခုပမာ ရင်ဆိုင်ရုန်းကန်ရတတ်၏။ ကိုယ်တိုင်ကလည်း နှမြောတွန့်တိုခြင်း၊ အလှူရက်ရောခြင်း၊ နူးညံ့သိမ်မွေ့ခြင်း၊ ကြမ်းတမ်းခက်ထန်ခြင်း စသည့် အစွန်းတရားများ ရောပြွမ်းနေတတ်၏။ ကရကဋ် ရာသီဖွားတို့ ကံကောင်းလာပြီဆိုက မိုးပေါ်ကကျသလို ကောင်းတတ်ကြ၏။ သိကြားမင်း မသလို ကောင်းလာတတ်၏။ လှပသောစိတ်ကူး၊ ထူးခြားသောဉာဏ်ရည်တို့ဖြင့် ရိုးရိုးနှင့် ထိမိအောင်နေတတ်၊ ၀တ် တတ်၊ ပြောတတ်၊ လုပ်တတ်သဖြင့် တိုးတက်တတ်ကြ၏။ သီလရှိခြင်း၊ သစ္စာရှိခြင်း၊ ပွင့်လင်းခြင်း၊ မဟုတ်မခံသတ္တိ၊ ဗျတ္တိရှိခြင်းတို့က အောင်မြင်မှုဆီသို့ တွန်းပို့ပေးသော ကရကဋ်ရာသီဖွားတို့၏ စွမ်းရည်များဖြစ်၏။ ငယ်က ဆင်းရဲ၏။ ဖခင်နှင့် ဝေးခဲ့ရတတ်၏။ အသက် (၁၄)၊ (၁၆)၊ (၂၈)တို့တွင် အလွန်ညံ့သော အနေအထား များ ကြုံခဲ့တတ်၏။ ကျရှုံးခြင်းတို့ကြုံခဲ့တတ်၏။ ထိုသင်ခန်းစာများကပင် ဘ၀တွင် တိုးတက်ရန် အားမာန်များ ရစေတတ်ပြန်၏။ (၃၅)၊ (၃၆)၊ တို့တွင်လည်း ဘ၀တွင် အထူးထိခိုက်နစ်နာတတ်ခဲ့၏။ (၃၈)တွင် တစ်ရပ်တစ်ကျေးသို့ ပြောင်းခဲ့ရတတ်၏။ ဘ၀သက်တမ်းတစ်လျှောက် (၂၀)၊ (၃၂)၊ (၄၄)၊ (၄၈)၊ (၅၂)၊ (၅၅)၊ (၆၀)၊ (၆၈) တို့တွင် အနီးကပ်လူယုံတို့ ဒုက္ခပေးခံရတတ်၏။ အရောင်းအ၀ယ် ကျွမ်းကျင်တတ်၏။ ပစ္စည်းဥစ္စာ ဖြစ်ထွန်းပါမည်။ သို့သော် နိမ့်တုံမြင့်တုံ ဖြစ်တတ်၏။  (၂၅)၊ ( ၃၄)၊ (၄၃) တို့တွင် အခွင့်ထူးများ ကြုံနိုင်၏။ (၄၂) တွင်လည်းကောင်း၊ (၈၁) တွင်လည်းကောင်း ကျန်းမာရေး အထူးဂရုစိုက်ရမည်။ ဘ၀တွင် တောတောင် ဥယျာဉ်ပန်းခြံ တို့၌ တစ်ယောက်တည်း မကြာခဏ အနားယူလျှက် ခေါင်းအေးအေးဖြင့် စဉ်းစားလုပ်ဆောင်သွားသင့်၏။ ဘ၀တွင် ငွေရလာသောအခါ စုဆောင်းရ ခက်ခဲတတ်၏။ အထူး စည်းစနစ်တကျ စုဆောင်းသင့်၏။ ယခုဖော်ပြခဲ့သော အသက်အပိုင်းအခြားတို့မှာ ယေဘုယျမျှသာ ဖြစ်၏။ သို့သော် ကရကဋ်ရာသီဖွားအများစုသည် ဤနှစ်များကိုပင်လျှင် သတိပြု ဆင်ခြင်သင့်လှပေတော့၏။

ကရကဋ်ရာသီဖွားတို့၏ ဘ၀တိုးတက်အောင်မြင်မှုအတွက် လိုက်နာကျင့်သုံးဖွယ်ရာများနှင့် အဆောင်အရောင်များ

ကရကဋ်ရာသီဖွားအားလုံးတို့အတွက် ဘ၀သက်တမ်း တစ်လျှောက် ကံကောင်းစေရန်၊ လာဘ်ရွှင်စေရန်၊ ရာထူးတိုးစေရန်၊ စိတ်ချမ်းသာစေရန်၊ အထူးကောင်းကျိုးပေးသော အရောင်များမှာ အစိမ်းနုရောင်၊ လိမ္မော်ရောင်၊ အဖြူရောင်၊ နို့နှစ်ရောင်တို့ဖြစ်၏။ အရောင်နုများကို အထူးသုံးသင့်၏။ တစ်ခါတစ်ရံမှသာ ဖဲစကဲ့သို့ အရောင်တလက်ထသော ငွေရောင်၊ ဖက်ဖူးရောင်တို့ကို ၀တ်ဆင်သုံးစွဲခြင်းဖြင့် အထူးအောင်မြင် တိုးတက်ပါလိမ့်မည်။ နှလုံးသားရေး ကိစ္စတွင် အထူးကြုံသောအခါ ဖက်ဖူးရောင်နှင့် ပန်းနုရောင်ကို သုံးစွဲပါ။ စာမေးပွဲကိစ္စ၊ အင်တာဗျူးကိစ္စတို့ကြုံသောအခါ အပြာနု၊ အစိမ်းနုနှင့် နို့နှစ်ရောင်ကိုသုံးပါ။ အလွန်ထူးခြားစွာ အောင်မြင် လိမ့်မည်။

ကရကဋ်ရာသီဖွားတို့သည် ပုလဲ၊ ကျောက်စိမ်း၊ မြကျောက် တို့ကို အမြဲဆောင်ထားသင့်၏။ လက်သူကြွယ်တွင် ၀တ်ပါ။ ထို့ပြင် ဘယ်ဘက် လက်သူကြွယ်တွင် ငွေလက်စွပ်လေး တစ်ကွင်း၊ ရွှေ လက်စွပ်လေးတစ်ကွင်းသာလျှင် (ငွေပေါ်ရွှေဆင့်) ၀တ်ကာ ဆောင်ထားသင့်၏။ လာဘ်ရွှင်ခြင်း၊ ငွေဝင်ခြင်း၊ ငွေမြဲခြင်းတို့ ဖြစ်တတ်၏။ ဂန္ဓာပန်းအဖြူ၊ ကြာပန်းအဖြူ၊ ကြာပန်းအနီ၊ နှင်းဆီပန်း ပန်းရောင်နှင့် စံပယ်ပန်းတို့ကို အလှထိုးခြင်း၊ ဘုရားပန်းကပ်လှူခြင်း ပြုပါ။ ကံပွင့် လာဘ်ပွင့်၍ စိတ်ချမ်းသာစေတတ်၏။ အရေးတကြီးကိစ္စကြုံက ၎င်းင်းတို့ကို ဆောင်၍ဖြစ်စေ၊ ဘုရားစင်တွင်လှူ၍ဖြစ်စေ ဆောင်ရွက်က အထူးအောင်မြင်တတ်၏။

ကရကဋ်ရာသီဖွားတို့သည် ဘ၀ကို လမ်းဘေးရောက်နေသော အခြေအနေမျိုးမှ ပြန်လည်ထူထောင်ကာ ကြိုးစားပြီး တိုးတက်လာရတတ်၏။ ကရကဋ်ရာသီဖွားတို့သည် သူမတူအောင် ဆွဲဆောင်မှု ရှိတတ်၏။ ဟန်ပန်အမူအရာ ပင်ကိုဓါတ်ခံ ညှို့အားကောင်း၏။ ရိုးရိုးရှင်းရှင်းနှင့် အေးဆေးတည်ကြည်စွာ ကြိုးစားပေးဖို့လို၏။ သြဇာအာဏာပြည့်ဝသော ဟန်ပန်အမူအရာ ရုပ်သွင်တို့ကပင် ဘ၀အောင်မြင်မှုအတွက် အထောက်အပံ့ဖြစ်တတ်၏။ သို့သော် ကရကဋ်ဖွားတို့ဘ၀တွင် ကံကြမ္မာအလှည့်အပြောင်း၊ အကြောင်းမသင့်၍ နစ်နာချိန်၊ ကျရှုံးချိန်တို့တွင် အကူအညီရခဲ၏။ မကူညီသည့်အပြင် ဘ၀တက်လမ်းကို နှောက်ယှက်သူ၊ ပိတ်ပင်သူများပင် ကြုံတတ်၏။ ကရကဋ်ရာသီဖွားတို့၏ ဘ၀သည် အလွန်အထီးကျန်ဆန်တတ်၏။ ကိုယ့်ဒူးကိုယ်ချွန် ကြိုးစားပေးမှ မြင့်မားသောဘ၀ကို ရရှိတတ်၏။ အောင်မြင်ကျော်ကြား၏။ မိတ်ဆွေ ကောင်း အလွန်ရှား၏။ ကိုယ့်အနီးအပါးတွင် လာခိုသူများသာ များ တတ်၏။ ကိုယ်က အားကိုး၍မရ။ ကိုယ့်ဒူးကိုယ်ချွန် ကြိုးစားပါ။ ကရကဋ်ဖွားတို့သည် ပထမပိုင်းတွင် ဘာမှမယုံလုပ်မှရသည်ဟူသော ရုပ်ဝါဒကိုသာ လက်ခံတတ်၏။ ဘ၀အလှည့်အပြောင်း ကြုံပြီးမှ ဘာသာရေးကို အထူးသက်ဝင်ယုံကြည်ကာ အထူးလေ့လာ အားထုတ်တတ်၏။ ဘာသာရေးကြောင့် အောင်မြင်တတ်၏။ (၁၊ ၂၊ ၄၊ ၇) ဂဏန်းများ ဆောင်ပါ။ အနီရင့်ရောင် ရှောင်ကာ အထူးအားဖြင့် (၁) အငြိုးအတေးထားပြီး ကလဲ့စားချေတတ်သော အစွန်းရောက်စိတ်ကို ပယ်ပါ။ (၂) ကိုယ်ကိုယ်တိုင်ရရှိသော စိတ်ကူးကောင်း အကြံကောင်းများကို အကျိုးမဲ့ ရှောက်ပြောခြင်းမပြုဘဲ လက်တွေ့ အကောင်အထည် ဖော်ပါ။ (၃) မိတ်ဆွေ၊ ဆွေမျိုးတို့ အပေါ် အနွံတာခံပြီး ပေါင်းသင်းပါ။ ကင်းကွာ မနေပါစေနှင့်။ (၄) ဘာသာရေး အထူးဖက်တွယ်ပါ။ ထို့အတူ မမြင်အပ်သော နာမ် လောကပိုင်းနှင့် စပ်ယှဉ်၍ သဘာဝကျကျ လက်ခံကာ မေတ္တာ ဘာဝနာ ပွားများပါ။ ထိုကဲ့သို့ အားနည်းချက်၊ အားသာချက်တို့ကို ပြုပြင်ခြင်း၊ ကြိုးစားခြင်းတို့ဖြင့် ကရကဋ်ဖွားတို့၏ ဘ၀တွင် အောင်မြင်ခြင်း၊ ပြည့်စုံခြင်းတို့ ရရှိနိုင်မည်ဖြစ်ပေသတည်း။