ကိုယ့်အကြိုက်၊ သူ့အကြိုက်

 လူဆိုတာ တစ်ဦးနဲ့ တစ်ဦး သဘောသဘာဝ တူကြတာမဟုတ်ဘူး၊ ကိုယ့်စရိုက်၊ သူ့စရိုက်၊ ကိုယ့်အကြိုက်၊ သူ့အကြိုက်၊ ကိုယ့်အလေ့အထ၊ သူ့အလေ့အထ၊ ဘယ်တူ မလဲ။ ဒီတော့ မတူတဲ့ စရိုက်ရှိတဲ့သူတွေ ကိုယ့်အလိုအတိုင်း လူတိုင်း ဘယ်လိုက်နိုင်မလဲ၊ ဒီတော့ လုပ်ပုံချင်း ကိုယ်နဲ့ မတူတော့ဘူးလေ။ ဒီတော့ ဒါကို ကိုယ်က အလိုမကျတိုင်း ပြောနေလို့ မဖြစ်တော့ဘူး။ ကိုယ့်နဲ့သဘောမတူတိုင်း ပြောနေလို့ မဖြစ်ဘူး၊ ပြောရင်လဲ ပြောလို့ရတာ ရှိသလို မရတာလဲ ရှိမယ်၊ မရတာက များမှာပါဘဲ။ ဘာလို့လဲ၊ လူဆိုတာက တစ်မျိုးမလား၊ ကိုယ့်ဖာသာ ပြင်ချင် ပြင်မယ်၊ သူများပြောလို့ ပြင်တယ်၊ လုပ်တယ်ဆိုတာမျိုး သဘောမကျဘူးမလား၊ ဘာဖြစ်လို့လဲ၊ မာနတရားတွေ ခေါင်ခိုက်နေကြလို့လေ။ အဲဒီ မာနကြောင့်ဘဲ သံသရာရှည်နေကြ တာဘဲလေ။ အဲဒီမာနကြောင့် တစ်ခြားသူက ကောင်းတာပြောရင် ကောင်းတာမှန်း သိသော်လည်း လိုက်မလုပ်တဲ့အပြင် ရွဲ့ပြီး မဟုတ်တာလုပ်တာမျိုးတောင် တစ်ချို့က ရှိသေးမလား။

နောက်ရှိသေးတယ်၊ လုပ်ငန်းတစ်ခုမှာ အမြင်မတူတာလေးတွေ၊ ကိုယ့်စိတ်ကြိုက်၊ ကိုယ့် အမြင်က တစ်မျိုး၊ သူ့စိတ်ကြိုက်၊ သူ့အမြင်က တစ်မျိုး၊ ကိုယ့်ဝါဒ၊ ကိုယ့်သဘော လေးတွေ တင်ပြရမယ်၊ သူ့ဝါဒသူ့သဘောလေးတွေ တင်ပြလာရင် အစအဆုံးနားထောင်ရမယ်၊ အများနဲ့ ဆက်ဆံတော့ အများသဘောထားအမြင်လေးတွေကတော့ ပြောလာမှာပါဘဲ။ ပြီးမှ ကိုယ့်သဘော အခြေအနေကို ရှင်းလင်းပြောဆို လုပ်ကိုင်ရမယ်။ သူ့ဝါဒလာပြောတာကို မဟုတ်ဘူ၊ ဘာညာ စသည်နဲ့ တခါတည်း ကန့်ကွက်လို့ မဖြစ်ဘူး၊ လာပြောတိုင်းလဲ လက်ခံလို့ မဖြစ်ဘူး၊ အလုပ်တစ်ခု မှာ တစ်ခြားသူလာပြောတာကို “မဟုတ်ဘူး၊ ဘာညာ၊ မင်းပြောတာ လက်မခံနိုင်ဘူး” စသည် ပြောဆိုမယ်ဆိုရင် ကိုယ့်အလုပ် ထိခိုက်မယ်၊ ကိုယ့်အလုပ်က အများနဲ့ ဆက်ဆံနေတာကို။ ဒီနေရမှာ ဘုရားရှင်တို့ထုံး၊ ပညာရှိတို့ထုံးကို နှလုံးမူ အတုယူရမယ်။